Bátasmíði.is |
|
Færslur: 2019 Júní21.06.2019 14:55Bátadagar á Breiðafirði 5-6 júlí 2019Bátadagar á Breiðafirði 5-6 júlí 2019 Allar
gerðir báta velkomnar Félag áhugamanna um Bátasafn Breiðafjarðar á Reykhólum,
í samvinnu við Báta- og hlunnindasýninguna á Reykhólum, gengst nú fyrir
bátahátíð á Breiðafirði í tólfta sinn dagana 5-6 júlí nk. Nú verður breyting á því nú eru allar gerðir báta
velkomnar, ekki bara trébátar. Föstudagur 5. júlí. Safnast saman. Ráðgert er að þáttakendur safnast saman á Reykhólum föstudaginn 5 júlí. Flóð er um kl. 21 og þá er gott að setja bátana niður í
höfninni fyrir þá sem koma með bátana landleiðina. Laugardagur 6. júlí. Á laugardagsmorgun verður haldið frá Reykhólum um kl. 9
og áformað er að sigla að Ólafseyjum og þar skoðaðar gamlar mannvistarleyfar.
Þaðan verður siglt í Sviðnur þær skoðaðar, eigendur verða á staðnum og fræða
þáttakendur. Síðan verður siglt innanskerja til Skáleyja og þar mun Jóhannes Geir
Gíslason sýna okkur minjasafn sem hann hefur komið upp þar og fræða þáttakendur
um lífið í eyjunum en hann er þar fæddur og uppalin og var þar bóndi um tíma. Loks
verður siglt til baka til Reykhóla og ráðgert koma að landi um eða fyrir kl. 20
en háflóð er um kl. 22 og því hentugt að taka bátana upp.
Ýmsan fróðleik má finna á netinu um eyjarnar, m.a.: https://www.nat.is/travelguide/br_eyjar_olafseyjar.htm https://www.nat.is/travelguide/br_eyjar_svidnur.htm https://www.nat.is/travelguide/br_eyjar_skaleyjar.htm Að sjálfsögðu ráða aðstæður, sjávarföll og veður,
mestu um hvernig siglingin verður og áætlunin getur því breyst ef aðstæður
krefjast. Siglingin verður undir stjórn manna sem þekkja vel til aðstæðna við
Breiðafjörð. Formaður hvers báts er ábyrgur fyrir því að
nauðsynlegur öryggisbúnaður sé fyrir hendi um borð. Vinsamleg tilmæli eru að þáttakendur
verði með bjargbelti og að sem flestir bátar séu búnir björgunarbátum. Björgunarsveit Landsbjargar á Reykhólum, Heimamenn,
mun verða með í för með öflugan bát okkur til halds og trausts. Allir bátar eru velkomnir og við viljum
hvetja sem flesta til að nýta sér þetta tækifæri til siglingar um þetta fallega
umhverfi. Mjög góð aðstaða fyrir báta er á Reykhólum og
einnig er mjög góð aðstaða fyrir ferðamenn í Reykhólasveit. Báta- og hlunnindasýningin verður opin og vafalaust
hafa þáttakendur áhuga á að skoða hana. Sjá má fróðleik úr starfi félagsins og myndir frá fyrri Bátadögum: http://batasmidi.is/ Frekari upplýsingar veitir: Hafliði Aðalsteinsson,
formaður félagsins, s. 898-3839 Skrifað af Sigurður Bergsveinsson
|
Eldra efni
Bátasafn Breiðafjarðar Nafn: Bátasafn BreiðafjarðarTölvupóstfang: [email protected]Staðsetning: ReykhólarTenglar
Flettingar í dag: 160 Gestir í dag: 5 Flettingar í gær: 578 Gestir í gær: 60 Samtals flettingar: 943314 Samtals gestir: 85233 Tölur uppfærðar: 17.2.2025 01:27:42 |
© 2025 123.is | Nýskrá 123.is síðu | Stjórnkerfi 123.is